سنتِ نبویﷺکی اہمیت

 مُحّب  کی یہ خواہش ہوتی ہے کہ اس کا محبوب بھی اسے چاہے اس سے محبت کرے ۔اپنے رب سے محبت اگر ہماری خالص ہوگی تو ہمارے دل میں بھی یہ آرزو یقیناً ہوگی کہ ہم بھی اسکی محبت کے لائق بن جائیں اس کی محبت ہمیں حاصل ہوجائے،اس کا قُرب نصیب ہو اس سے ربط مضبوط ہو جائے، تو جو شخص یہ چاہتا ہے کہ اللہ رب العزت کی نگاہ میں وہ محبوب بندہ بن جائے تو اس کے لیے ضروری ہے کہ وہ سنّت کی پیروی کرے۔ کیوں کہ اللہ رب العزت فرماتا ہے۔

" کہہ دیجئے اگر تم اللہ سے محبت رکھتے ہو تو میری تابعداری کرو خود اللہ تعالی تم سے محبت کرے گا اور تمہارے گناہ معاف فرما دے گا اور اللہ بڑا بخشنے والا ہے"(آل عمران۳۱)

 سنتِ نبویﷺ کی اہمیت،فرضیت فضیلت کو جاننے سے پہلے ضروری ہے کہ سنت  کے اصطلاحی مفہوم کو جانا جائے۔ لفظ سنت کے لغوی معنی ہیں "طریقہ"۔سنت نبویﷺ یعنی "رسول اکرم صلی اللہ علیہ وآلہ وسلم کا طریقہ"۔

 آپﷺ کی حیات طیبہ کے تمام اعمال میں آپﷺ کا ہروہ طریقہ  جو آپ نے اپنایا اور زندگی کے تمام امور جس طریقے سے انجام دیے اسی طریقیت کے مطابق ہمیں اپنی زندگی کو ڈھالنا سنت کی پیروی کرنا ہے۔

 اتّباعِ سنت، سنت کی پیروی کتنی ضروری ہے اس کی اہمیت اللہ عزوجل نے خود ظاہر کردی ارشاد باری تعالی ہے۔

"سو جو چیز تم کو پیغمبر دیں وہ لے لو اور جس سے منع کریں (اس سے) باز رہو۔الحشر۷۔

 اتّباعِ رسولﷺ، اتّباع قرآن ہے۔ یعنی اطاعت رسولﷺ اللہ عزوجل کی اطاعت ہے۔ اللہ نے رسول اکرمﷺ کو اسی لیے بھیجا ہے تاکہ ہم ان کی پیروی کریں۔ آپ ہمارے لئے عملی نمونہ ہیں۔آپکی زندگی کے ہر پہلو ہر شعبے میں خواہ وہ کوئی بھی معاملات و مسائل سے متعلق کیوں نہ ہو  انفرادی،اجتمائی،خانگی،ملی،سیاسی معاشرتی ،اخلاقی سب میں ہمارے لئے شمعِ ہدایت ہے  آپ کی سیرت،سنت اور اسوہِ حسنہ کامل اور بہترین ہیں۔ آپ نے جیسا کرنے کا حکم دیا اور کر کے دکھلایا وہ طریقہ بہترین طریقہ ہے اس سے اچھا کوئی اور ہو بھی نہیں سکتا کیونکہ یہ وہ طریقہ ہے جسے  خالقِ کائنات(جس  کی حکمت کامل علم کامل ہے)نے انہیں بتایا۔اور آج سائنس بھی لاتعداد تجربات و تحقیقات کے بعد ہر اس طریقے کو صحیح ثابت کررہی ہے جس کی تعلیم آپﷺ نے چودہ سو سال پہلے دی۔

 حضرت سفیان ثوری فرماتے ہیں کہ کوئی بھی قول اور عمل اور نیت ٹھیک نہیں جب تک رسول ﷺکے طریقے کے مطابق نہ ہو۔ لہذا سنت نبویﷺ کی پیروی میں ہماری بھلائی ہے ،دونوں جہاں کی کامرانی وکامیابی ہے۔ اتّباع سنت سے مال و وقت میں برکت آتی ہے راحت اور چین نصیب ہوتا ہے۔ گناہ بخش دئیے جاتے ہیں۔۔ نہ صرف خدا کی محبت ورضا اور قُرب حاصل ہوتا ہے بلکہ اللہ عزوجل اپنے بندوں کے دلوں میں بھی اتّباع سنت کی وجہ سے تعظیم محبت و احترام ڈال دیتا ہے ،عزتیں نصیب ہوتی ہیں، دائمی و اخروی  کامیابی مقدر کر دی جاتی ہیں جو کہ اس کا وعدہ ہے۔ ارشادِ باری تعالی ہے " جو شخص  اللہ اور اس کے رسول کی اطاعت کرے گا وہ بڑی کامیابی کو پہنچے گا". الاحزاب۷۱

 ایک مسلمان کو جس طرح قرآن کی احکامات پر عمل پیرا ہونا ضروری ہے بالکل اسی طرح سنت کی اتباع بھی لازم ہے۔ امام مالک رحمہ اللہ نے سنت نبویﷺ کی اہمیت بیان کرتے ہوئے فرمایا "سنت کی پیروی حضرت نوح علیہ السلام کی کشتی کی طرح ہے جو اس میں سوار ہوا اس نے نجات پائی اورجو رہ گیا وہ غرق ہوگیا". یعنی فلاح آپ کے قول،اعمال،اور احکامِ شریعت اور،سنت کے سانچے میں خود کو ڈھالنے میں، ، آپ کی زندگی کے مطابق زندگی گزارنے میں ہے آپؐ نے جو فرمایا کرو ہمیں اسے اپنانا ہے جسے آپؐ نے حکم دیا رک جاؤ اس سے پیچھے ہٹ جانا ہے۔ آپﷺ تمام انبیائے کرام میں نبیوں کے وہ سردارِ اعلٰی اور محبوبِ خداﷻ ہیں۔  جنھیں اپنی امت سے بے پناہ محبت تھی،  جن کے غم میں آپؐ تڑپتے تھے   امت کی بخشیش کی فریاد دن ،رات کرتے تھے۔

 آپؐ کی محبت امتِ محمدیہﷺ کے دلوں میں الحمدللہ آج بھی قائم ہے، مگر اس محبت کا تقاضا ہے ہم وہ کریں جو آپؐ نے فرمایا اور اس طرح کریں جیسے آپؐ نے کر کے دکھایا ہے۔ ثواب کی حیثیت سے تو کریں لیکن کیا خوب ہو کہ آپؐ کی چاہت میں کریں، اطاعت میں کریں۔ شفاعت کے لیے اور  آپکی خوشنودی کےحصول کے لیے کریں۔ محبت کی دلیل یہ ہے کہ ہم آپ کی زندگی کو اپنی زندگی بنا لیں۔ سادگی اپنائیں اسراف نہ کریں ۔ آپ کی پسند کو اپنی پسند ،اور  ناپسنددیدگی کو اپنی ناپسنددیدگی بنالیں ۔بغیرسنت کی پیروی کے محبت کا دعویٰ تو کسی صورت بھی خالص نہیں اور جچتا بھی نہیں، کیا محبت ایسی نہیں ہونی چاہیے کہ ہماری چال ڈھال،قول و اعمال ونیت سے ہمارے پیارے نبیؐ کی محبت خود بخود ظاہر ہو۔ دل ان کی یاد سے لبریز ان کی محبت میں آنکھوں سے اشک جاری ہوں۔ اتباع سنت ہماری زندگیوں سے جھلکے، گواہی ہماری عقیدت و محبت کی ہمارے اعمال خود پیش کرتے ہوں۔ جب سنت سے خالی ہو زندگی تو صرف باتوں سے دلیلیں محبت کی تو ثابت نہیں ہوتی۔ اللہ عزوجل ہمارے دلوں میں سنت نبوی ﷺکی اہمیت پیدا کرکے اسے اپنانے کی سچی تڑپ وچاہت جگا دے۔

آمین

تبصرے

ایک تبصرہ شائع کریں

اس بلاگ سے مقبول پوسٹس

بے خوابی سے زیادہ سنگین اس سے متعلق پریشانی ہے۔۔؟

تصویر
 یہ درست ہے کہ نیند کی کمی یا بے خوابی ایک جان لیوا اذیت ہے۔ لیکن اس حقیقت سےبھی انکارناممکن ہے کہ پوری دنیا بہت سےایسےافراد سے بھری پڑی ہے جو ہزاروں طریقے یاتدبیر اختیارکرنے کے بعد بھی اس مرض پر قابو نہ پاسکے۔ بلکہ دن بہ دن بے خوابی کی تکلیف وکوفت بڑھنے سے مزیدبیماریوں میں گرفتار ہورہے ہیں۔ اور تیزی سےگرتی صحت ان کی موت کی وجہ بن جاتی ہے۔ سوال یہ ہے کہ آخر ایسا کیا کیا جائے؟جنہیں اپناکر اس تکلیف دہ اذیت سے چھٹکارا حاصل ہوجائے؟  اس تحریر کا مقصد لوگوں کو اس مرض سے نجات دلانے سے زیادہ ضروری ،انھیں بے خوابی سے متعلق پریشانی سے بچانااور  پرسکون رکھنا ہے، اور اپنے اس وقت کو کارآمد بنانا ہے جس وقت سب نیند کے مزے لوٹ رہے ہوتے ہیں۔  ممکن ہے اس طریقہِ علاج کے ذریعے بے خوابی کا مسئلہ بھی حل ہوجائے۔  نینداوراس کی مقدار ۔۔۔۔۔۔۔۔  نیند آرام کی ایک حالت اور عادت ہے جواگر معمول کے مطابق اورمعیاری نہ لی جائے تو اس کی کمی سے دن بھر کی فکریں اور پریشانیاں سر اٹھاتی ہیں۔ انسان کے دماغ اور جسم کو نقصان پہنچاتی ہے۔جسمانی و دماغی صحت پر خطرناک اثرات مرتب ہوتے اورگھریلو اور معاش...
مزید پڑھیں

مہلت۔۔۔۔۔۔۔۔,

تصویر
شیطان کی یہ کوشیش کہ وہ انسا‌ن کو بہکائے گا اور جب تک وہ ا‌نھیں جہنم میں نہ دھکیل دے ہار نہیں ما‌نے گا۔۔۔ وہاں اللہ کا وعدہ سچا کہ وہ اپنے بندو‍ں کو جہنم سے بچاۓ گا۔۔۔اس کے بہکاوے میں آکربھی سچے دل سے اس کے سامنے جو گڑگڑاۓ گا۔۔۔اسے معافی دے کر اسکے گناہوں سے پاک کر دے  گا۔۔۔۔  اسی لیےربِ کریم بڑے سے بڑے مجرم نافرمانوں ،گناہگاروں کو بھی مزید ڈھیل دیتا ہے اور دیتا چلاجاتا ہے کہ شاید وہ بعض آجائیں۔۔۔پلٹ آئیں۔۔۔۔گڑگڑائیں۔۔۔ مگر جب مسلسل مہلت پہ مہلت ملنے کے باوجود وہ نہ جھکیں۔۔۔۔نہ پلٹی‍ں۔۔۔بلکہ ‌نڈر ہوجائیں ،اڑ جائیں ،سر کش ہوجائیں تو وہ غفور رب جسکی رحمت اسکے غضب پر حاوی ہے جو نہی‍‍ں چاھتا کہ اسکے بندے دوزخ کا عذاب چھکیں،، انھیں اپنی گرفت میں لے۔۔۔انکی پکڑ کرے۔۔۔اور اپنا عذاب مسلط کرے۔۔تب ہی وہ انھیں توبہ کا موقع دے کر انکے واپس پلٹنے کا ا‌نتظار کرتا رہتا ہے۔۔ لیکن جب بندہ بار بار اسکے بلانے اور اپنے ضمیر کی آواز پر  بھی شر اور برائی سے نہ رکے،بلکہ ضمیر کو ہی تھپکی دےکر سلا دے۔۔۔دولت،طاقت کی لالچ و حرص میں جو دل می‍ں آۓ نا حق کو بھی حق مان کر کرتا چلا جاۓ۔۔چھینوں،جھپٹوں،ما...
مزید پڑھیں

منزل نہیں ملے گی۔۔۔۔

تصویر
  واصف علی واصف فرماتے ہیں" بڑی منزل کا مسافر چھوٹے جھگڑوں میں نہیں  پڑتا "یہ سچ بھی ہے جسے آگے جانا ہو وہ راہ کی رکاوٹوں کی پرواہ نہیں کرتا۔ اور راستے کی تھکان بھی اسے تھکاتی نہیں۔ بلکہ منزل تک رسائی کے لیے  مزید قوتِ توانائی بن جاتی ہے۔ قاسم علی شاہ صاحب کہتے ہیں کہ "رستہ لے لو اور راستہ دے دو". جانے دو، چھوڑ دو، درگزر کرو۔ معاف کردو۔ خود کو بچاؤ نہ الجھو۔ایسے لوگوں سے جتنا ممکن ہوسکے دور رہو جو راستہ خراب کرنے والے ہوں۔ مگر یہ دنیا بڑی عجیب مصائب کی جاہ ہے۔   سکون  ہمیشہ ہو ایسا تو ممکن ہی نہیں۔ اتار چڑھاؤ زندگی کا حصہ ہیں۔ واقعات و حالات اور کبھی کبھی تو کچھ ایسے لوگ آپ کو ضرور ملیں گیں ،جو آپ کی راہ کے پتھر بن جائیں گیں، آپکو ضرور روکیں گیں، مایوسی اور ناامیدی سے ڈرائیں گے دھمکائیں گیں۔ تنقید اور طنز کے تیروں سے منزل سے دور کرنے کے لیے رستہ خراب کرنا چاہیں گیں۔ تو ایسی صورت میں ہمیں کیا کرنا چاہیے کیا لڑ جھگڑ کر مقابلے بازی سے بدلے سے سبق سیکھانے سے حالات واقعات اوران  لوگوں سے جو آپ کا حوصلہ پست کرکے  آپ کی صلاحیتوں کو زنگ آلود کرتے ہیں...
مزید پڑھیں