یومِ آزادی کا پیغام۔۔۔۔۔

 

 اپنے قائد کی محنت، بزرگوں کی دعائیں اور نوجوانوں کی قربانیوں کے سبب ہم آج ایک آزاد مملکت میں، آزادی اور چین سے جی رہے ہیں، اس کے لئے ہم دل سے ربِ کریم کے مشکور ہیں،یا خداہمارا ملک پاکستان سدا قائم رہے، ٰ ہمیں اس نعمتِ پاکستان کا حقیقی قدردان بنائے، اور ہمیں بھی اپنے وطن کے سچے خدمت گزاروں میں  شامل کرلے، دشمنانِ ملک کے بددیانتوں سے جو اسے کھوکھلہ کرنے میں لگے ہیں،انکی سازشوں کو نست ونابود کرکے ملک کو امن وامان کا گہوارہ بناۓ۔

 یومِ آزادی کے موقع پر یومِ آزادی کا پیغام ہے یہ،کہ ہمیں مجاہدین کی حصولِ آزادی کے لئے کی گئی محنت، کوششوں اور قربانیوں کو یوں غلاموں کی طرح ،آزاد ملک میں،غلامی میں جی کر رائیگاں نہیں کرنا چاہیے

ہم ذرا سوچیں، ہم آزاد ہیں، ہمارا آزادی کی لڑائی لڑنا اسلام کے لئے تھا، ہمارا نعرہ لا الہ الا اللہ کا تھا، غیروں کی نقالی سے گریز کا تھا، تو پھر کیوں ہم اپنے رہن سہن اور لباس میں مغرب کی نقالی کرتے ہیں؟کیوں دل کو اپنے مالک کے حکموں سے پھیر کر غیروں کے غلام بنتے ہیں؟ ہم آزاد ہیں،تو کیوں ہم اپنے آپ کو غلام بنا بیٹھے، آزادی کا مقصد آزاد ملک میں اسلام کے اصولوں پر آزادی سے عمل کرنا تھا،۔

 آج ہم آزاد تو ہیں، لیکن ہم خود اسلامی  طریقت سے اپنی زندگی کو بیگانہ کر بیٹھے، ہم اپنے مقصدیت کو کیوں فراموش کر بیٹھے؟کیوں ہم غیروں کی تقلید کے دلدادہ بن گئے؟مادیت پرستی، فیشن اور ایک دوسرے سے آگے نکل جانے کی چاہ میں حیا کو مار بیٹھے، آج دل بے ضمیر اور رب ناراض ہے، ہم یہ جان کر بھی انجان کیوں بن گئے؟

 ہم مسلماں ہیں تو اپنے رب کی حکم عدولی نہیں کرسکتے، ہم اپنے آقا کے پابند ہیں ،اسکی خلاف ورزی کیوں کرتے ہیں؟، مُردہ ضمیر، نافرمان دل کے ساتھ ایک آزاد وطن میں،ہم آزادو خوشحال کیسے رہ سکتےہیں؟

 ہم اپنی تہذیب اپنی روایت اپنے عقائد، اپنے مقصد،اور اپنے اصولوں کو کہیں بھول نہ جائیں، ۔

یہی سلسلہ چلتا رہا تو ڈر ہے اس بات کا کہ دل اگر غلام ہوجائے تو پھر آزادی غلامی میں بدل جائے گی، ہمیں اپنی سوچوں کو پاک کرنا ہے، اپنے دلوں کو صرف اپنے رب کے حکموں کا غلام بنانا ہے۔

بقول اقبال

تھاجو ناخوب، بتدریج وہی خوب ہوا

 کہ غلامی میں بدل جاتاہےقوموں کا

ضمیر

ہم مسلماں الحمدللہ، غیرمسلموں کی تہذیب کو اپنا نہیں سکتے، حیا ایمان کی شاخ،اورملک کا امن ہے ،ہم اسے گنوا کر اپنے ایمان،ووطن کی سلامتی کو کھو نہیں سکتے، ہمارا اپنا اسلامی کلچر ہے ہماری اپنی روایات اسلامی ہیں، ہمارے ملک کا نام اسلامی جمہوریہ پاکستان ہے، رب کے بنائے ہوئے طریقے ہمارے پاس ہیں،ہمارے اپنے احکامات ہیں، اور عملی نمونہ ہمارے پاس ہیں، اپنے نبی کریمؐ کی سنت وطریقت موجود ہے، توہم کیوں غیروں کی تقلید میں اپنے لئے بربادی کا سامان کریں؟ آئیں پھر مل کر ہم اسے دینِ اسلام کے اصولوں سے آراستہ کرتے ہیں، اپنی زندگی اور اپنے گھروں سے اس کی شروعات کرتے ہیں۔

  اے خدا ہمیں ہمت دے، کہ ہم اپنے دلوں کو نفس کی غلامی، بے لگام خواہشوں اور اپنے رب کی نافرمانی سے ہٹاکر، آزادملک کی طرح آزاد ضمیر بن سکیں۔ اللہ ہمارے ملک کی آزادی کو سلامت رکھے آمین۔

پاکستان زندہ باد

تبصرے

ایک تبصرہ شائع کریں

اس بلاگ سے مقبول پوسٹس

بے خوابی سے زیادہ سنگین اس سے متعلق پریشانی ہے۔۔؟

تصویر
 یہ درست ہے کہ نیند کی کمی یا بے خوابی ایک جان لیوا اذیت ہے۔ لیکن اس حقیقت سےبھی انکارناممکن ہے کہ پوری دنیا بہت سےایسےافراد سے بھری پڑی ہے جو ہزاروں طریقے یاتدبیر اختیارکرنے کے بعد بھی اس مرض پر قابو نہ پاسکے۔ بلکہ دن بہ دن بے خوابی کی تکلیف وکوفت بڑھنے سے مزیدبیماریوں میں گرفتار ہورہے ہیں۔ اور تیزی سےگرتی صحت ان کی موت کی وجہ بن جاتی ہے۔ سوال یہ ہے کہ آخر ایسا کیا کیا جائے؟جنہیں اپناکر اس تکلیف دہ اذیت سے چھٹکارا حاصل ہوجائے؟  اس تحریر کا مقصد لوگوں کو اس مرض سے نجات دلانے سے زیادہ ضروری ،انھیں بے خوابی سے متعلق پریشانی سے بچانااور  پرسکون رکھنا ہے، اور اپنے اس وقت کو کارآمد بنانا ہے جس وقت سب نیند کے مزے لوٹ رہے ہوتے ہیں۔  ممکن ہے اس طریقہِ علاج کے ذریعے بے خوابی کا مسئلہ بھی حل ہوجائے۔  نینداوراس کی مقدار ۔۔۔۔۔۔۔۔  نیند آرام کی ایک حالت اور عادت ہے جواگر معمول کے مطابق اورمعیاری نہ لی جائے تو اس کی کمی سے دن بھر کی فکریں اور پریشانیاں سر اٹھاتی ہیں۔ انسان کے دماغ اور جسم کو نقصان پہنچاتی ہے۔جسمانی و دماغی صحت پر خطرناک اثرات مرتب ہوتے اورگھریلو اور معاش...
مزید پڑھیں

مہلت۔۔۔۔۔۔۔۔,

تصویر
شیطان کی یہ کوشیش کہ وہ انسا‌ن کو بہکائے گا اور جب تک وہ ا‌نھیں جہنم میں نہ دھکیل دے ہار نہیں ما‌نے گا۔۔۔ وہاں اللہ کا وعدہ سچا کہ وہ اپنے بندو‍ں کو جہنم سے بچاۓ گا۔۔۔اس کے بہکاوے میں آکربھی سچے دل سے اس کے سامنے جو گڑگڑاۓ گا۔۔۔اسے معافی دے کر اسکے گناہوں سے پاک کر دے  گا۔۔۔۔  اسی لیےربِ کریم بڑے سے بڑے مجرم نافرمانوں ،گناہگاروں کو بھی مزید ڈھیل دیتا ہے اور دیتا چلاجاتا ہے کہ شاید وہ بعض آجائیں۔۔۔پلٹ آئیں۔۔۔۔گڑگڑائیں۔۔۔ مگر جب مسلسل مہلت پہ مہلت ملنے کے باوجود وہ نہ جھکیں۔۔۔۔نہ پلٹی‍ں۔۔۔بلکہ ‌نڈر ہوجائیں ،اڑ جائیں ،سر کش ہوجائیں تو وہ غفور رب جسکی رحمت اسکے غضب پر حاوی ہے جو نہی‍‍ں چاھتا کہ اسکے بندے دوزخ کا عذاب چھکیں،، انھیں اپنی گرفت میں لے۔۔۔انکی پکڑ کرے۔۔۔اور اپنا عذاب مسلط کرے۔۔تب ہی وہ انھیں توبہ کا موقع دے کر انکے واپس پلٹنے کا ا‌نتظار کرتا رہتا ہے۔۔ لیکن جب بندہ بار بار اسکے بلانے اور اپنے ضمیر کی آواز پر  بھی شر اور برائی سے نہ رکے،بلکہ ضمیر کو ہی تھپکی دےکر سلا دے۔۔۔دولت،طاقت کی لالچ و حرص میں جو دل می‍ں آۓ نا حق کو بھی حق مان کر کرتا چلا جاۓ۔۔چھینوں،جھپٹوں،ما...
مزید پڑھیں

منزل نہیں ملے گی۔۔۔۔

تصویر
  واصف علی واصف فرماتے ہیں" بڑی منزل کا مسافر چھوٹے جھگڑوں میں نہیں  پڑتا "یہ سچ بھی ہے جسے آگے جانا ہو وہ راہ کی رکاوٹوں کی پرواہ نہیں کرتا۔ اور راستے کی تھکان بھی اسے تھکاتی نہیں۔ بلکہ منزل تک رسائی کے لیے  مزید قوتِ توانائی بن جاتی ہے۔ قاسم علی شاہ صاحب کہتے ہیں کہ "رستہ لے لو اور راستہ دے دو". جانے دو، چھوڑ دو، درگزر کرو۔ معاف کردو۔ خود کو بچاؤ نہ الجھو۔ایسے لوگوں سے جتنا ممکن ہوسکے دور رہو جو راستہ خراب کرنے والے ہوں۔ مگر یہ دنیا بڑی عجیب مصائب کی جاہ ہے۔   سکون  ہمیشہ ہو ایسا تو ممکن ہی نہیں۔ اتار چڑھاؤ زندگی کا حصہ ہیں۔ واقعات و حالات اور کبھی کبھی تو کچھ ایسے لوگ آپ کو ضرور ملیں گیں ،جو آپ کی راہ کے پتھر بن جائیں گیں، آپکو ضرور روکیں گیں، مایوسی اور ناامیدی سے ڈرائیں گے دھمکائیں گیں۔ تنقید اور طنز کے تیروں سے منزل سے دور کرنے کے لیے رستہ خراب کرنا چاہیں گیں۔ تو ایسی صورت میں ہمیں کیا کرنا چاہیے کیا لڑ جھگڑ کر مقابلے بازی سے بدلے سے سبق سیکھانے سے حالات واقعات اوران  لوگوں سے جو آپ کا حوصلہ پست کرکے  آپ کی صلاحیتوں کو زنگ آلود کرتے ہیں...
مزید پڑھیں